Љубе Бошкоски се чувствува добро: Примам терапија уште неколку дена
Објавено во: Македонија 23 Септември, 2020
Љубе Бошкоски, кој во моментов е на Инфективната клиника бидејќи состојбата му е влошена, денеска на својата Фејсбук страница напиша дека се чувствува добро. Ќе прима терапија уште 3-4 дена.
Лидерот на „Обединети за Македонија“ и поранешен министер за внатрешни работи, минатата недела објави дека е позитивен на ковид, откако направил контролен ПЦР тест за да може да патува во Хрватска.
-Не знаев, но бидејќи требаше да се вратам во Хрватска, сакав да се тестирам и заради себе, а најмногу заради внучето Филип. Самоиницијативно заминав да се тестирам. Тестот покажа дека сум позитивен. Немам температура, не кашлам, за среќа вкусот го чувствувам, па си имам апетит, но кога ставив парфем, не го чувствував мирисот. А бидејки морам да бидам изолиран, а знам како е, нели „само“ 11 години бев изолиран“, рече Бошкоски, пред точно една недела.