19 Ноември, 2019
0.0209

Љупчо Николовски нема да биде технички премиер, Милошоски нема коментар за МВР

Објавено во: Македонија 22 Октомври, 2019

Шпекулации, бројни имиња, но и деманти. Едно е јасно, на трети јануари идната година, во зградата на Илинденска ќе влезат нови луѓе. Јавноста особено се интересира за тоа кој ќе биде новиот технички премиер, кој ќе биде предложен од редовите на владејачката СДСМ. Тој, од почетокот на идната година, па во наредните сто дена ќе седи на столчето на премиерот Зоран Заев.

Првото име што исплива на површина е она на министерот за внатрешни работи Оливер Спасовски, кој секако ќе мора да ја напушти министерската позиција во внатрешни, бидејќи таму доаѓа технички министер кој ќе биде на предлог на опозициската ВМРО-ДПМНЕ, согласно Пржинскиот договор.

Денеска, пак, одредени медиуми повикувајќи се на извори од СДСМ, го „исфрлија“ името на Љупчо Николовски, генерален секретар на владејачката партија и поранешен министер за земјоделство, како можен технички премиер. Наводно, помеѓу овие двајца луѓе од доверба на премиерот Зоран Заев ќе се бирал техничкиот премиер на Централен одбор на партијата.

Сепак, извори од СДСМ за Фактор демантираат дека Љупчо Николовски ќе биде новиот технички премиер. 

За тоа кој ќе го добие ова место, во партијата велат дека одлуката се уште не е донесена, како што денеска изјави и премиерот Зоран Заев.

Кој ќе биде, пак, дополнителен заменик министер за внатрешни од редовите на власта, одредени медиуми го споменаа Миле Зечевиќ, поранешен организационен секретар на СДСМ, но тој за Фактор вели дека овие шпекулации не се точни.

Одредени извори, пак, сметаат дека Оливер Спасовски ќе треба да остане во МВР како дополнителен заменик министер, бидејќи најдобро ги познава работите во секторот.

А кој ќе шефува со МВР 100 дена за време на техничката Влада, е едно од побитните прашања за опозициската ВМРО-ДПМНЕ, која треба да го предложи техничкиот министер. За опозицијата тој сектор ќе биде многу значаен во предизборниот период, бидејќи неговата улога е да има контрола врз работењето на Полицијата, со цел да се исклучи директен институционален притисок врз гласачите.

Од опозициската ВМРО-ДПМНЕ за Фактор велат дека тоа се уште не е разговарано во партијата.

„Се уште не е разговарано за кадровски решенија“, велат од ВМРО-ДПМНЕ.

Неофицијално, како едно од можните имиња за технички министер за внатрешни работи, се споменува името на пратеникот Антонијо Милошоски. Фактор контактираше со Милошоски, но тој вели дека на ова прашање – нема коментар. Во игра се и други имиња, но се уште не се знае кој ќе седне во столчето на МВР.

Инаку, согласно договорот од Пржино, новиот технички министер ќе има право да смени повеќе началнички позиции во министерството, при што актуелните началници ќе станат заменски, а одлуките ќе ги носат заедно со новите.

( Н.Н.Ф.)

Можеби ќе ве интересира

Фити: Лично мислам дека не може да биде загрозен македонскиот јазик

Фити: Лично мислам дека не може да биде загрозен македонскиот јазик

Фити: За Гоце Делчев комисиите беа блиску до договор

Фити: За Гоце Делчев комисиите беа блиску до договор

ФОКУС НА ДЕНОТ: Taткото на Боки 13 доби затворска казна, власта ја разгледува методологијата за ЕУ

ФОКУС НА ДЕНОТ: Taткото на Боки 13 доби затворска казна, власта ја разгледува методологијата за ЕУ

Акционерите во Топлификација бараат одговори за доделенета помош за ТЕ - ТО од Комисијата за заштита на конкуренција

Акционерите во Топлификација бараат одговори за доделенета помош за ТЕ - ТО од Комисијата за заштита на конкуренција

Османи: Реверзибилноста е позитивен момент, иако предизвикува страв

Османи: Реверзибилноста е позитивен момент, иако предизвикува страв

Дескоска: Во ветингот ќе се испитува и влијанието на групи над судиите

Дескоска: Во ветингот ќе се испитува и влијанието на групи над судиите

Шилегов: ЕБОР ќе го финансира садењето на новите јапонски цреши

Шилегов: ЕБОР ќе го финансира садењето на новите јапонски цреши

Минимална казна затвор за таткото на Боки13

Минимална казна затвор за таткото на Боки13

РАБОТИ КАКО ПЕКАР НА ГРЧКИ ОСТРОВ - за Грујовски во среда втора пресуда

РАБОТИ КАКО ПЕКАР НА ГРЧКИ ОСТРОВ - за Грујовски во среда втора пресуда