ЛОНЧАР ЗА ПОЛИЦИСКИОТ ЧАС ЗА ВИКЕНД: Имаме уште два дена да донесеме најдобри мерки, не е фер да ги казнуваме сите

Добивај вести на Viber

Одлуката ќе биде позната на Кризниот штаб, ги чекаме нашите епидемиолози, тие ги разгледуваат сите фактори, бројот на заразени, тестирани, сите ефекти, колку лица има во болниците, каде кои мерки можат да се применат.

Ова ги изјави министерот за здравство на Србија, Златибор Лончар, одговарајќи на новинарското прашање дали ќе биде воведен полициски час овој викенд, како што најави вчера претседателот на Србија, Александар Вучиќ.

Тој посочи дека ќе се гледа да не бидат казнувани сите, односно, како што рече, „никој што се придржувал до мерките нема да биде казнет никаде, затоа што тоа не е правично и правилно“.

„На пример, во Сремска Митровица има двајца пациенти, зошто би биле казнети, но погледнете го Боеград“, коментира Лончар.

На прашањето кога конечно Србите ќе знаат што ги чека овој викенд, Лончар рече.

„Денес е среда, имаме уште два дена да ги донесеме најдобрите можни мерки, оние што ќе дадат таков резултат што веќе нема да мораме да го имаме овој голем број на луѓе кои мораат да лежат во болниците. Јас можам да имам или можам да немам разбирање за синоќешните настани, но тоа не е важно. На нас е да ги донесеме сите оние мерки што ќе ги штитат луѓето. Без разлика дали некој ќе сака или не, не можам да носам никого на совест“, коментира министерот Лончар по повод синоќешните демонстрации, на денешната прес-конференцијата по средбата со директорите на болниците.

Министерот објасни дека луѓето се навикнати на маски и дека е тоа доволно за граѓаните да се заштитат.