Лоренцо Сера: Почнатите реформи од Владата даваат насока за придвижувања на економијата
Објавено во: Македонија 18 Октомври, 2017
Aмбасадорот на Кралството Шпанија, Емилио Лоренцо Сера денеска на средба со вицепремиерот за економски прашања, Кочо Анѓушев изјави дека политичкиот амбиент во Република Македонија ветува позитивни промени.
Почнатите реформи од страна на Владата даваат насока за придвижувања на економијата, вели тој.
Анѓушев му го честиташе назначувањето на новиот шпански амбасадор и изрази очекување дека соработката меѓу двете земји ќе продолжи.
„Владата креира политички и економски амбиент со кој Македонија ќе биде добар пријател и партнер на сите земји, а поддршката од Шпанија, како членка на Европската унија е особено важна. Странските инвеститори, вклучително и оние од Кралството Шпанија се добродојдени да инвестираат во Република Македонија“ - вели вицепремиерот Анѓушев.
Двајцата се заложија за интензивирање на економските односи, посебно во секторот земјоделство, енергетиката, преку обновливи извори на енергија, како и во заштитата на животната средина преку проекти за соодветно управување со отпад.