22 Септември, 2019
0.0173

Лутовац за Фактор: Ширење лаги и афери за „Рекет“ се политички стил на Вучиќ

Објавено во: Македонија 23 Август, 2019

Аферата Рекет зема се поголем замав, не само во земјава, туку и во соседна Србија. Боки 13 е секојдневно дел од насловните страници, а последниве денови шоуменот го поврзуваат со српската опозиција. По лажните наслови, во кои Боки му се заканува на премиерот Заев, се појавија и обвинувања дека дел од парите од рекетот биле давани на српската опозиција за да оргнизира протести.

„Боки 13 им давал пари на Вук, Ѓилас и Бошко, А СЕ ГЛЕДАЛ И СО ЧЕДО“ – ваков наслов осамна на српски „Курир“ без да биде наведен изворот и без да се прашаат засегнатите страни. Во текстот се обвинува и македонскиот премиер Зоран Заев дека посредувал во давањето на пари на Обрадовиќ и српските опозиционери. Драган Ѓилас од Сојузот за Србија веќе најави тужби за, како што ги нарече, пропагандни гласила на Вучиќ и рече дека ваквите лаги имаат цел да ги нарушат односите помеѓу двата пријателски народи. Ова не прв пат српските медиуми да пишуваат против премиерот Заев и да го поврзуваат со српската опозиција. Фактор го контактираше и единствениот опозиционер од коалицијата Сојуз за Србија кој не е споменат во текстот на српски Курир. Го прашавме Зоран Лутовац од Демократската партија како ги коментира последните наслови кои ја поврзуваат аферата Рекет со српската опозиција.

„Не сакам да ги коментирам и да се занимавам со тие ноторни лаги. Тоа се лаги кои владините медиуми ги користат за да ја дискредитираат опозицијата. Ги гледам насловите, но не сакам да се занимавам со тоа“ – вели Лутовац.

Српскиот опозиционер вели дека опозицијата нема никаква поврзаност со случајот Рекет, а во однос на тврдењата кои се појавуваат во медиумите, вели дека се дел од оркестрираната политика на претседателот Александар Вучиќ.

„Само да ви кажам една информација, во првите шест месеци оваа гоДина, вкупно имаше 419 лажни вести на насловните страници на четири таблоиди во Србија. Само на насловните страни, а можете да замислите коилку ги имаше и внатре во текстовите. Затоа јас не се занимавам со таквите пишувања. Знам дека тука има политичка заднина и затоа едноставно ги игнорирам. А тоа се ноторни лаги, тоа нема врска со опозицијата. Ова е инструмент за плашење на опозицијата и политичките противници. Оваа власт го прави тоа уште од 2013 година. Веќе седум години го прават истото, шират лажни вести, продлабочуваат афери и тоа им е дел од политичкиот стил и политичката комуникација. Ова е погубно за политичката култура во Србија“ – вели Лутовац.

Во телефонскиот разговор, Лутовац нагласи дека проблемот со дезинформирањето на јавноста покажува дека во Србија нема услови за организирање фер и демократски избори, а без такви услови не може да се оди на избори. 

Х.С.

Можеби ќе ве интересира

Тешка сообраќајка: Загина жена од Богданци

Тешка сообраќајка: Загина жена од Богданци

Утре нова средба меѓу работните групи на СДСМ и ВМРО-ДПМНЕ за Законот за ЈО

Утре нова средба меѓу работните групи на СДСМ и ВМРО-ДПМНЕ за Законот за ЈО

57 американци како волонтери во Мировен корпус во Македонија

57 американци како волонтери во Мировен корпус во Македонија

ПРОГНОЗА: Денес сонце од утре дожд

ПРОГНОЗА: Денес сонце од утре дожд

Претседателот Пендаровски се откажува од државните привилегии кои му следуваат по истекот на мандатот

Претседателот Пендаровски се откажува од државните привилегии кои му следуваат по истекот на мандатот

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

Силен земјотрес во Албанија: Се затресе и Македонија

Силен земјотрес во Албанија: Се затресе и Македонија

Шар планина наскоро ќе биде прогласена за Национален парк

Шар планина наскоро ќе биде прогласена за Национален парк