МАДУРО ДО СВОЈОТ НАРОД: Никогаш нема да се откажам од обврските кон мојата татковина
Објавено во: Свет 25 Јануари, 2019
Јас никогаш нема да се откажам од обврските кон мојата татковина, никогаш нема да го направам тоа, изјави претседателот на Венецуела, Николас Мадуро синоќа во обраќање до нацијата.
Мадуро себе си се прогласи за уставен претседател и го нарече шефот на опозицијата – марионета на САД.
Покрај тоа, тој ги прекина сите дипломатските односи со Вашингтон и побара од американските дипломати да ја напуштат земјата во рок од 72 часа.
Тој во своето обраќање нагласи дека одлучил да ги затвори амбасадите и конзулатите во САД, и додаде дека се согласува со ставот на Мексико и Уругвај дека е потребен дијалог.
Во главниот град Каракас во средата започнаа масовни протести против претседателот на Венецуела, Николас Мадуро. Еден ден потоа претседателот на парламентот Хуан Гуаидо се прогласи за привремен шеф на државата, додека трае мандатот на привремената влада.
САД и голем број други земји го признаа Гуаидо за привремен претседател и побараа претседателот на Венецуела, Мадуро, чии избори се сметаат за нелегитимни, да не дозволи насилна акција против опозицијата.
Британскиот министер за надворешни работи Џереми Хант изјави дека Николас Мадуро не е легитимен претседател на Венецуела.
Францускиот претседател Емануел Макрон денеска изјави дека „Европа го поддржува враќањето на демократијата" во Венецуела, велејќи дека изборот на Николас Мадуро во 2018 година е "нелегален" и не го признава Хуан Гуидо како претседател.
Рускиот претседател Владимир Путин во телефонскиот разговор со Мадуро, му ја пренел поддршката. Тој му рекол на Мадуро дека до решение на кризата ќе дојде само преку мирен дијалог.
Папата Франциско внимателно ја следи состојбата во Венецуела и Ватикан и ќе ги поддржи сите напори кои ќе стават крај на страдањата на народот во таа земја, соопшти денеска Ватикан.