05 Февруари, 2023
0.0214

МАЈКРОСОФТ ГО ДОБИВА ПРВИОТ СИНДИКАТ НА РАБОТНИЦИТЕ - рокот за гласање е до крајот на декември

Објавено во: Економија 07 Декември, 2022

Добивај вести на Viber

Околу 300 работници за обезбедување квалитет во студиото за игри „ЗениМакс“ во сопственост на „Мајкрософт“ се во процес на гласање за формирање на првиот синдикат во технолошкиот гигант, потврдија организаторите за „Си-Ен-Ен бизнис“.

Работниците се организираат со синдикатот на Communications Workers of America (CWA) и имаат рок до крајот на декември да гласаат за тоа. Мајкрософт се согласи да го признае синдикатот доколку мнозинството работници гласаат за него, според CWA.

– Му честитаме на „Мајкрософт“ што остана неутрален низ овој процес и им дозволи на работниците сами да одлучат дали сакаат синдикат – рече претседателот на „CWA“ Кристофер Шелтон во изјава за „Си-Ен-Ен бизнис“.

- Другите гиганти за видео игри и технолошки гиганти направија свесен избор да ги поткопаат намерите и да ги деморализираат своите вработени кога ќе се здружат за да формираат синдикат. Мајкрософт направи поинаков избор, кој служи како модел за другите, во корист на својата корпоративна култура, своите вработени и клиентите - додаде Шелтон.

Организацискиот напор во студиото за игри доаѓа во време на поширокото будење на работната сила што избувна во големите компании во технолошката индустрија и пошироко, вклучувајќи ги и работниците во малопродажба и магацини во Amazon, Apple и Starbucks. Некои компании како Амазон досега одбиваа да ги признаат правата на работниците кои гласаа за формирање синдикат.

Понудата на синдикатот во подружницата на Мајкрософт, сепак, се издвојува од некои други бидејќи Мајкрософт претходно вети дека ќе ги признае правата на работниците за организирање. Претходно оваа година, Microsoft склучи договор за неутралност со CWA, кој исто така ги поддржува организационите напори на работниците во Activision Blizzard, гигантот за игри што Мајкрософт се согласи да го купи за 68,7 милијарди долари. Овој договор сè уште чека одобрување од регулаторите.

„Си-Ен-Ен“ известува дека во изминатата година, секторот за игри забележал поголем притисок од работниците да ги подобрат условите на работното место по голем број контроверзии поврзани со исцрпувачкиот баланс помеѓу работата и животот, нееднаквоста во платите, лошата стабилност на работните места и други поплаки за културата на работното место.

Портпаролот на „Мајкрософт“ изјави за „Си-Ен-Ен Бизнис“ дека нејзиниот неутрален однос кон организациските напори на вработените во „ЗениМакс“ е „пример за нашите работни принципи“. Тој рече дека „Мајкрософт“ останува посветен на „да им даде можност на вработените слободно и чесно да донесуваат одлуки за нивната застапеност на работното место“.

(Извор: Инвеститор)

Можеби ќе ве интересира

КАКО ИМ УСПЕА ДА УКРАДАТ 1,7 МИЛИЈАРДИ ДОЛАРИ ВО КРИПТОВАЛУТИ: Лидери се, во светот им нема рамен

КАКО ИМ УСПЕА ДА УКРАДАТ 1,7 МИЛИЈАРДИ ДОЛАРИ ВО КРИПТОВАЛУТИ: Лидери се, во светот им нема рамен

ШВАЈЦАРСКИОТ ГИГАНТ ГИ КРЕВА ЦЕНИТЕ: Слатките задоволства поскапо ќе ги купуваме

ШВАЈЦАРСКИОТ ГИГАНТ ГИ КРЕВА ЦЕНИТЕ: Слатките задоволства поскапо ќе ги купуваме

НЕДЕЛЕН БУЏЕТ ЗА ХРАНА ОД 1 МИЛИОН ДОЛАРИ, на најголемиот крузер на светот се прават повеќе од 30.000 оброци дневно

НЕДЕЛЕН БУЏЕТ ЗА ХРАНА ОД 1 МИЛИОН ДОЛАРИ, на најголемиот крузер на светот се прават повеќе од 30.000 оброци дневно

СТОПАНСКАТА КОМОРА Е ГОРДА НА ГОЦЕ КАМЧЕВ, РЕГИОНАЛНИОТ БИЗНИС ЛИДЕР

СТОПАНСКАТА КОМОРА Е ГОРДА НА ГОЦЕ КАМЧЕВ, РЕГИОНАЛНИОТ БИЗНИС ЛИДЕР

СТРАНСКИТЕ КОМПАНИИ СЕ ПРИВЛЕЧЕНИ ОД КИНЕСКИОТ ПАЗАР - Кина на ново ниво во искористувањето на странските инвестиции

СТРАНСКИТЕ КОМПАНИИ СЕ ПРИВЛЕЧЕНИ ОД КИНЕСКИОТ ПАЗАР - Кина на ново ниво во искористувањето на странските инвестиции

Почина Гоце Камчев, основач и претседател на „КАМ маркет“

Почина Гоце Камчев, основач и претседател на „КАМ маркет“

По Србија, уште една балканска земја откри наоѓалишта на злато

По Србија, уште една балканска земја откри наоѓалишта на злато

„Макпетрол“: пазарот со гас е одамна либерализиран, сегашните тендери се фарса

„Макпетрол“: пазарот со гас е одамна либерализиран, сегашните тендери се фарса

БЕСИМИ НЕ СЕ ОТКАЖУВА ОД ПОВИСОКА ПЛАТА ЗА СВОИТЕ ВРАБОТЕНИ - еве каде ќе го бара „чарето“

БЕСИМИ НЕ СЕ ОТКАЖУВА ОД ПОВИСОКА ПЛАТА ЗА СВОИТЕ ВРАБОТЕНИ - еве каде ќе го бара „чарето“