Македонци колку жители на цел еден град заминале во Германија
Објавено во: Економија 13 Август, 2019
За една година 18.478 македонски државјани заминале во Германија.
Само во 2018 година вкупно 18.478 македонски државјани заминале во Германија. Од нив, 7.812 останале во земјата и во 2019 година, а 10.666 се вратиле назад во земјава.
Во однос на 2017 година, бројот на лица кои останале да работат во Германија е зголемен за 30 проценти, пренесува Дојче Веле повикувајќи се на информации од германското Биро за статистика.
Растот на бројот на доселеници од Македонија започнал во 2011 година кога во Германија пристигнале 5.679 имигранти, но останале само 495. Најголем раст е забележан во 2015 година кога во Германија пристигнале околу 25 илјади доселеници од Македонија, а бројот на македонски државјани во Германија надминува 100.000 луѓе.