МАКЕДОНЦИТЕ ГО МИСЛАТ ИСТОТО ШТО И ПРЕМИЕРОТ, ВЛАДАТА ЌЕ ЗАЧУВА ОБРАЗ И НЕМА ДА ВИТКА КИЧМА: Адвокатот Митровски со став околу понижувачкта политика од Бугарија
Објавено во: Македонија 27 Септември, 2024
Огромен број реакции пристигнуваат по вчерашните вести дека патот на Албанија и Македонија за пристапување кон преговори за влез во ЕУ, предизвика гнев и револт кај граѓаните, а се огласи и адвокатската фела по тоа прашање. Дополнителни за зголемување на гневот придонесуваат и иритантните изјави од страна на бугарските политичари.
За адвокатот Јанаки Митровски, оваа ситуација не е ништо ново.
„Ваквата понижувачка политика не е ништо ново од бугарска страна со тоа што македонската Влада овој пат сака да прикаже дека ќе зачува образ и нема да витка кичма како што тие велат. И во тоа секако дека имаат масовна поддршка од македонскиот народ. Не е тајна дека огромното мнозинство Македонци го мислат истото што и премиерот кога говори дека Македонија направи и ПРЕМНОГУ отстапки на патот на ЕУ, а за возврат и немаме баш некој фидбек“, напиша тој на фејсбук.