Македонија една од земјите со најмалку новоинфицирани од ХИВ, Русија убедливо води
Објавено во: Свет 11 Декември, 2018
Бројот на нови ХИВ-инфицирани лица во Источна Европа е загрижувачки, според податоците објавени од Европскиот центар за превенција и контрола на болести и Светската здравствена организација.
Русија е најлошо погодена, со 71,1 новоинфицирани на 100.000 жители, проследено со Украина и Белорусија.
Најмалку заразени годишно во Европа е Косово, со 0,2 на 100.000 жители, и Босна и Херцеговина, со 0,3 на 100.000 жители.
Просечната состојба на Европската унија изнесува 6,2 на 100.000 жители во 2017 година.
Тоа е двојно помалку новозаразени во споредба со земјите од европскиот регион надвор од ЕУ - 13,4 на 100.000 жители.
Просекот на сите земји е 8.7 инфицирани на 100.000 жители.
Во Централна Европа процентот е најнизок - 3,2 заразени на 100 000, во Западна Европа 6,9, а највеќе во Источна Европа - 23,6 инфицирани на 100 000 жители.
Земјите од потесните региони на Балканот главно се наоѓаат на самото дно на листата.
Најмногу инфицирани на 100.000 луѓе има во Црна Гора (4.1), во Србија и Хрватска е еднаква застапеноста (2.5), во Македонија е 2,1, додека 1,9 е во Словенија, Босна и Херцеговина има 0,3 и во Косово 0,2 заразени на 100.000 жители.