24 Мај, 2019
0.0261

Maкедонија го празнува Св. Климент Охридски, политичарите упатија честитки

Објавено во: Македонија 08 Декември, 2018

Maкедонија го одбележува Св. Климент Охридски. 

По повод празникот  Св. Климент Охридски – 8 Декември  денеска делегации на Собранието, Владата и на повеќе други институции и организации ќе положат цвеќе пред споменикот на св. Климент Охридски во НУБ „Св. Климент Охридски“.

Во состав на владината делегација ќе бидат министрите за образование и наука, Арбер Адеми, за информатичко општество и администрација, Дамјан Манчевски и министерот задолжен за имплементација на Стратегијата за подобрување на состојбата на Ромите во Република Македонија, Аксел Ахмедовски.

Собраниската делегација ја сочинуваат потпретседателката Фросина Ташевска-Ременски и пратеничките Ирена Стефоска, Весна Дамчевска-Илиевска и Владанка Авировиќ.

Во Собранието ќе биде доделена државната награда „Св. Климент Охридски“, како  највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија. 

Премиерот Зоран Заев по повод 8 Декември, празникот Свети Климент Охридски, упати честитка до граѓаните кои го слават името и делото на големиот просветител и духовник. 

„Во мое лично име и во името на Владата на Република Македонија, на сите православни верници, на Синодот на МПЦ-ОА и на сите граѓани кои го слават делото Климентово, упатувам честитки по повод големиот христијански празник – Св. Климент Охридски со желби за радосен и благословен празничен викенд. Свети Климент Охридски основоположник на македонската црковна и народна духовност, и патрон на Македонската православна црква – Охридска архиепископија, бил еден од најблиските и најревносните соработници и соучесници во мисијата на светите Кирил и Методиј во Моравија за описменување на народот. Инспирираат страдањата што ги поднел во својот подвиг, зашто го водела вербата во доброто што го правел и останал доследен на обврската што ја чувствувал како човек, да го продолжи делото на неговите учители, преку продлабочување и унапредување на словенската просвета“, наведува Заев во честитката. 

Претседателот на Република Македонија, Ѓорге Иванов, испрати честитка по повод празникот Св. Климент Охридски, до Архиепископот Охридски и Македонски г.г. Стефан. 

„Дозволете ми, од свое име и од името на граѓаните на Република Македонија, Вам лично, на членовите на Светиот архијерејски синод на Македонската православна црква, на преподобното свештенство, како и на сите православни верници во земјата и во странство, да Ви упатам најискрени и најсрдечни честитки по повод големиот празник Св. Климент Охридски. Овој празник е посветен на првиот македонски архиепископ и најдаровитиот ученик на сесловенските браќа светите Кирил и Методиј, Св. Климент Охридски“, наведува Иванов. 

Лидерот на ВМРО-ДПМНЕ, Христијан Мицкоски, упати честитка до граѓаните на Република Македонија по повод големиот Христијански празник – Св. Климент Охридски.

„Денес го чествуваме големиот просветител Св. Климент Охридски,  најголемиот ученик на светите браќа Кирил и Методиј. Како дел од основоположниците на словенската писменост и литература, светите браќа Климент и Наум имаат огромен придонес кон светската наука и култура“, наведува Мицкоски. 

Вели дека создавањето на кирилското писмо кое просветли многу народи е дел од плодовите на неговата работа, дело кое за век и векови ќе остане врежано во светското културно наследство. Додава дека неговото дело е вградено во секоја буква која што ќе ја напишеме и во секој збор што ќе го изговориме.

Можеби ќе ве интересира

Експлодира боца во „убавица“ во Карпош 4, сопственикот на станот на тереса на 16 кат чекал помош од пожарникарите

Експлодира боца во „убавица“ во Карпош 4, сопственикот на станот на тереса на 16 кат чекал помош од пожарникарите

Талат Џафери: Светите браќа оставија капитално дело

Талат Џафери: Светите браќа оставија капитално дело

(ФОТО) Возило се запали на бензинска станица на „Макпетрол“

(ФОТО) Возило се запали на бензинска станица на „Макпетрол“

Стево Пендаровски го отстапи претседателското столче

Стево Пендаровски го отстапи претседателското столче

Конгресот го изгласа новиот амбасадор на САД во Скопје

Конгресот го изгласа новиот амбасадор на САД во Скопје

Кои биле и како дејствувале светите браќа Кирил и Методиј

Кои биле и како дејствувале светите браќа Кирил и Методиј

Празничниот продолжен викенд ни носи ваква временска прогноза

Празничниот продолжен викенд ни носи ваква временска прогноза

На кој начин инфраструктурно ќе се поврзат Македонија и Црна Гора?

На кој начин инфраструктурно ќе се поврзат Македонија и Црна Гора?

Продолжува ширењето на морбили во земјава: Регистрирани нови случаи

Продолжува ширењето на морбили во земјава: Регистрирани нови случаи