15 Декември, 2019
0.4715

Македонија ќе почека за членство во НАТО, во Шпанија се закомпликува ситуацијата уште повеќе

Објавено во: Свет 11 Ноември, 2019

По вчерашните парламентарни избори во Шпанија, ситуацијата со обезбедување парламентарно мнозинство и формирање Влада уште повеќе се искомпликува, така што Македонија ќе треба да почека уште некое време за да стане официјална членка на НАТО.

Сите земји-членки на Алијансата треба да го ратификуваат пристапниот протокол за Македонија да влезе во клубот, но Шпанија, за која се верува дека ќе биде последната држава која ќе го бстори тоа, најпрво треба да обезбеди стабилен парламент.

Шпанската социјалистичка работничка партија на премиерот Педро Санчез, доби најмногу гласови на вонредните парламентарни избори одржани денеска, но помалку од претходните избори во април. Тоа се сепак недоволно за составување на Влада, покажаа првичните излезни анкети откако во 20 часот беа затворени избирачките места. 

Се очекува Санчез да има меѓу 114 и 119 пратеници, но за формирање Влада е потребно да обезбеди 176 пратенички мандати, а за мнозинска влада не успеа ниту да коалицира со левичарската и идеолошки блиската Унидас Подемос, која исто така освои помалку пратенички места.

Конзервативната народна странка е на второто место според анкетите со добиени меѓу 85 и 90 пратенички мандати, што е голем раст во однос на претходните избори, а на третото место дојде идеолошки блиската ВОКС, екстремно-десничарската партија  која треба да добие 56-59 места и да има речиси двојно подобар биланс.

Ова за нас битно прашање, во Шпанија е закочено со месеци поради политичката криза во земјата и неможноста да се конституира Влада по последните избори кои се одржаа во април.

Формирањето нова влада во Шпанија, а со тоа и ратификувањето на протоколот за зачленување на Северна Македонија во НАТО, се чинат уште понеизвесни од досега по денешните парламентарни избори како што покажуваат излезните анкети, 

Овој сооднос само дополнително ќе ја нагласи фрагментираноста во парламентот, што повторно води во период на преговори за формирање влада чиј епилог е крајно неизвесен. Денешните беа петти избори во Шпанија по 2015 година.

За ратификацијата на пристапниот протокол на членувањето на Македонија во НАТО потребно е јасно дефинирано мнозинство во парламентот, воспоставување на работните тела на парламентот и формирање влада за процедурата да може да започне.


Можеби ќе ве интересира

Унгарија сака да ја напушти ЕУ?

Унгарија сака да ја напушти ЕУ?

ЕУ подари 250 камили на африканска држава

ЕУ подари 250 камили на африканска држава

(ВИДЕО) На остров колку две фудбалски игралишта живеат 1.200 жители

(ВИДЕО) На остров колку две фудбалски игралишта живеат 1.200 жители

(ВИДЕО) ИДЕНТИФИКУВАНА ПРВАТА ЖРТВА ОД ВУЛКАНОТ НА СМРТТА: Нејзината сестра и татко се борат за живот

(ВИДЕО) ИДЕНТИФИКУВАНА ПРВАТА ЖРТВА ОД ВУЛКАНОТ НА СМРТТА: Нејзината сестра и татко се борат за живот

Доколку го знаеја ова, туристите ќе се спасеа од вулканот на Нов Зеланд

Доколку го знаеја ова, туристите ќе се спасеа од вулканот на Нов Зеланд

(ВИДЕО+ФОТО) ВЕТЕРОТ НОСЕШЕ ПОКРИВИ: Една жртва и повеќе повредени во Франција

(ВИДЕО+ФОТО) ВЕТЕРОТ НОСЕШЕ ПОКРИВИ: Една жртва и повеќе повредени во Франција

Нова нуклеарна проба е направена во Северна Кореја

Нова нуклеарна проба е направена во Северна Кореја

Трамп повторно ја исмеа Грета, направи фотошоп фотографија

Трамп повторно ја исмеа Грета, направи фотошоп фотографија

Ангела Меркел е најмоќната жена на светот, но на листата се најде и Грета

Ангела Меркел е најмоќната жена на светот, но на листата се најде и Грета