МАКЕДОНИЈА НА УДАР: Годишни загуби од стотици милиони евра поради квотите за челик

Добивај вести на Viber

Најмалку 100 милиони евра ќе губат македонските компании и фирми поради квотите за челик кои остануваат на сила уште три години.

Ова станува јасно од последната одлука на Европската комисија која одлучи ограничувањата кои веќе 10 месеци се во сила да продолжат и во следните три години.

Неуспешни беа лобирањата на економскиот директор на Макстил и претавник од Владата кои пред неколку месеци беа во Брисел да ја убедуваат ЕУ да ги укине високите царински давачки за овој метал штом ќе истече ограничената квота.

Станува збор за мерки според принципот "ерга омнес", без оглед на потеклото и се однесуваат на 26 категории на производи од челик. Се тврди дека овие мерки може да се преиспитаат и да се променат во случај на променети околности.

Покрај Макстил, директно погодени се Миттал Стил, Дојран Стил, и двете фабрики за цевки во Куманово и Кавадарци ФЗЦ и ИГМ.

Европската Унија воведе контрамерки за трговијата со алуминиум и челик откако такви прв воведе американскиот претседател Доналд Трамп. Тој го ограничи увозот на вакви производи од Кина и од ЕУ, ама ова сега ќе ги погоди и македонските производители.

Воведувањето квоти за увоз на челик да не биде демотивирачко за домашните компании беше пораката на премиерот Заев која ја упати првиот пат откако беа воведени квотите.

Како што кажа премиерот во одговор на новинарско прашање Фокусот на Владата останува комплетно насочен кон поддршка на компаниите и не е потребна паника.

-Станува збор за просекот од трите последни години, зголемен за пет проценти. Проблемот е што сега е квота и компаниите генерално се плашат една од друга некој да не го зафати делот и на другите компании и ние тука може да менаџираме. И секеко, им стоиме на располагање, да им бидеме сервис. Имаме и дополнителна квота, таа глобалната, која доколку било која земја не ја искористи ние да можеме дополнително да ја искористиме. Проблемот е што преку квотите, не може да се исполнат оние амбициозни планови, што се направени од страна на компаниите, а кои се многу поголеми од просекот од трите претходни години. Тука е проблемот. Но, верувам дека ако овие планови имаат тенденции, и сакам да ги охрабрам да продолжат со своите планови, секој пат ќе се изнајдат решенија, рече Заев потенцирајќи дека Македонија блеска во очите на ЕУ  и  оти секој пат разбирање мора да имаме.