МАКЕДОНИЈА НЕМАЛА ПОДОБАР МИНИСТЕР ОД ФИЛИПЧЕ: Но, ако немав договор со Алтернатива, ќе немаше стабилност-Заев образложи зошто заминува Филипче од функцијата
Објавено во: Македонија 05 Декември, 2021
Премиерот Зоран Заев образложи зошто од функцијата го трга актуелниот министер за здравство, Венко Филипче, за кого пред извесно време пред новинарите рече: „не го давам Филипче зошто е одличен министер.
По влегувањето на Алтернатива во парламентарното мнозинство и во Владата, со ова министерство ќе раководи кадар на оваа партија, а на денешната прес-конференција и Заев најави дека е можно оваа функција да припадне на стоматологот Беким Сали.
-Јас мислам дека Северна Македонија никогаш немала подобар министер за здравство Венко Филипче, но граѓаните и иднната на државата се мој приоритет. Ако немав договор со алтернатива ќе немаше ваква стабилност, на власт ќе дојдеше Христијан Мицкоски кој не кажува С од Северна Македонија, така што заради граѓаните и за државата сум подготвена на се, истакна премиерот Заев.
Истовремено рече дека патот на политиките, од последните 4 години, се негова гордост, набројуваќи ги договорот со Бугарија, решавање на спорот за името со Грција, полноправното членство во НАТО...
-Коалицијата може само дополнително да го зајакне патот и да ги оствариме останатите зацртани цели, а тоа е отпочнување на преговорите со Европската Унија. Ова е сериозна гаранција на парламентарнтото мнозинство да продолжиме низ сите филтри за преговорите на Евриопската унија. Јас сум благодарен што Алтернатива размислува конкретно европски. Ова е нова гаранција за сите, реше Заев.