29 Ноември, 2021
0.0247

„Македонија пат“ за една година бројот на вработени го зголемил за 130

Објавено во: Економија 20 Октомври, 2021

Јавното претпријатие за одржување и заштита на магистралните и регионалните патишта, порано познато како „Македонија пат“, годината 2020 ја завршило со 130 работници повеќе во однос на една претходно.

Извештајот што е објавен на јавното претпријатие кое ги санира патиштата, поставува сигнализација и ги одржува во зимски услови покажува дека 2020 е завршена со 843 ангажирани вработувања. Претходната 2019 била завршена со 714 работници.

Тоа се одразило и на зголемувањето на трошоците за платите за вработените, па така тие лани изнесувале 235 милиони денари, наспроти 200 милиони една година претходно. 

Трошоците за зголемување за платите пораснале за 17,9 отсто и станува збор за сума од нешто повеќе од 500.000 евра. Кај надоместоците бројката е зголемена за 17,2 отсто поради зголемениот број на вработувања, се вели во годишниот извештај. Од таму сепак тврдат дека во просек бруто-платите се едни од најмалите во земјата и во просек во 2020 изнесувале 35.000 денари.

Вкупните приходи лани биле 1,2 милијарди денари, или нешто помалку од 20 милиони евра, пари кои претпријатието главно ги добива од ЈП Државни патишта, а еден помал дек се донација на гориво од Дирекцијата за нафта и нафтени резерви.

Трошоците за суровини се зголемиле за 100 милиони денари. Минатата година „Македонија пат“ купи големо количество на индустриска сол за одржување на патиштата во зимски услови.

Зголемени се и трошоците за услугите за транспорт и зимско одржување од трети лица.  Сепак остварен е позитивен финансиски резултат од 6 милиони денари добивка, или околу 100.000 евра, што е сепак неколкукратно помалку од 2019.

А.К.



Можеби ќе ве интересира

Кире Наумов е реименуван за главен извршен директор на Развојна банка

Кире Наумов е реименуван за главен извршен директор на Развојна банка

Германија ја има најголемата инфлација по скоро три децении

Германија ја има најголемата инфлација по скоро три децении

Работници, очекувајте исплата на К-15

Работници, очекувајте исплата на К-15

СОСТОЈБАТА СО СТРУЈАТА Е АЛАРМАНТНА, ЦЕНИТЕ ЗГОЛЕМЕНИ ЗА ПЕТ ДО СЕДУМ ПАТИ - комората бара државата да го зголеми домашното производство

СОСТОЈБАТА СО СТРУЈАТА Е АЛАРМАНТНА, ЦЕНИТЕ ЗГОЛЕМЕНИ ЗА ПЕТ ДО СЕДУМ ПАТИ - комората бара државата да го зголеми домашното производство

Поевтинување на бензините, цената на дизелот останува иста

Поевтинување на бензините, цената на дизелот останува иста

Опозицијата со реакција: Интервентниот фонд е наш амандман прифатен од власта

Опозицијата со реакција: Интервентниот фонд е наш амандман прифатен од власта

КАКО СО „МАЛАТА“ ТАЊА СОЗДАВАМЕ „ГОЛЕМ БИЗНИС ПАЗАР“

КАКО СО „МАЛАТА“ ТАЊА СОЗДАВАМЕ „ГОЛЕМ БИЗНИС ПАЗАР“

Враќање на отпишаните: Kако ТЕЦ „Неготино“ од ладна резерва стана златна резерва?

Враќање на отпишаните: Kако ТЕЦ „Неготино“ од ладна резерва стана златна резерва?

ЕСМ ќе купува милион тони јаглен до крајот на следната година

ЕСМ ќе купува милион тони јаглен до крајот на следната година