Македонија со најповолна бизнис-клима во регионот
Објавено во: Економија 09 Јули, 2020
Северна Македонија има најповолна бизнис клима во регионот, се вели во извештајот на ОЕЦД за земјите од Западен Балкан,.при што се издвојува и тоа што имаме и најмалку фискални ризици. Македонија наедно и најчесто одржува дијалози на редовна основа со приватниот бизнис-сектор.
Во студијата насловена како „Government at a glance: Western Balkans 2020”се нотира дека земјава е регионален лидер во обезбедување на поволна бизнис клима и има подобри резултати во однос на просекот на земјите од ОЕЦД и од просекот на земјите на ОЕЦД кои се членки на ЕУ.
Извептајот кој го презентираше министерката за финансии Нина Ангеловска се изработува за прв пат од ОЕЦД и во него има над 40 индикатори кои се однесуваат на јавна администрација, јавни финансии, буџетски пракси и процедури, јавни набавки, дигитална влада итн.
Министерката, повикувајќи се на резултатите од истражувањето, посочи дека земјата ја дочекала кризата со здрав финансиски систем и стабилизиран државен долг, понизок за околу 10 процентни поени во однос на просекот на земјите од регионот како и дека покрај кризата, се работи на реформите согласно Стратегијата за реформи во јавните финансии.
Мерките против корона-кризата, како што вели таа, се дизајнирале многу внимателно, таргетирано и со јасни цели и очекувани ефекти за да го дадат максималниот ефект со ограничените ресурси, водејќи сметка за фискалниот простор.
- Дизјаниравме 3 обемни пакети антикризни мерки кои вклучуваат даночни олеснувања, субвенции на плати, ваучери и платежни картички кои ја поддржуваат приватната потрошувачка, финансиска поддршка за инвестициите и конкуретноста итн..Овие мерки играа значајна улога во справувањето со кризата, а повторно успеавме да задржиме фискален простор доколку треба за дополнителни интервенции – истакна министерката.
На презентацијата, покрај Ангеловска, учествуваше и министерот за информатичко општество и администрација Дамјан Манчевски, како и министри за финансии од другите земји опфатени со извештајот, преставници од Директоратот за проширување на Европската унија, како и други високи претстваници.