Македонија ставена на „стенд бај“ за преговорите до октомври
Објавено во: Македонија 19 Јуни, 2019
Министрите
на ЕУ ја одложија одлуката за одредување датум за почеток на пристапните
преговори за Северна Македонија за месец Октомври.
„Европскиот совет ќе се врати на ова прашање со цел
да добие јасна одлука што е можно поскоро, најдоцна до октомври 2019
година“, рекоа министрите за надворешни работи на ЕУ во заклучоците
усвоени на вчерашниот состанок во
Луксембург.
Европската комисија му препорача на Европскиот
совет да одреди датум за почеток на пристапните преговори на Македонија со
Унијата, и наведуваат дека земјата ги исполнила критериумите за тоа.
Во ЕУ не постои консензус за процесот на проширување, клучните партнери во Унијата инсистираат на тоа дека ЕУ прво треба да се стабилизира во нејзините рамки, вклучувајќи ги и последиците од напуштање на членството на Велика Британија.
Дел од земјите членки на ЕУ биле за почеток на преговори со земјата веднаш, но дел од нив сметале дека сепак Македонија треба да почека.
Премиерот Зоран Заев на почетокот на месецот рече
дека ќе поднесе оставка ако Брисел не назначи датум за почеток на преговорите
со Скопје во јуни, а од последната средба со германската канцеларка доби уверување дека наесен ќе има одлука.