Македонска берза долгорочно суспендираше една компанија
Објавено во: Економија 26 Јануари, 2021
Друштвото Идевелоп АД Скопје, е долгорочно суспендирано од Официјалниот пазар на Берзата на подсегментот Задолжителна котација, соопшти Македонска берза. Одлуката е донесена поради, како што велат од берза, континуирано неисполнување на обврските согласно Правилата за котација. Мерката долгорочна суспензија од котација се изрекува за период од најмалку 30 дена почнувајќи од денеска и че трае до отстранување на причините поради кои е изречена оваа мерка.
„За времетраењето на долгорочната суспензија од котација издавачот Идевелоп АД Скопје не го губи статусот на котирано друштво, но е должен во односите со трети лица и во јавноста да истакнува дека е долгорочно суспендиран од котација на Берзата. Воедно, за времетраење на мерката долгорочна суспензија, Идевелоп АД Скопје нема постојани обврски за известување согласно Глава VI од Правилата за котација, известуваат од берза.
За времетраење на мерката долгорочна суспензија, хартиите од вредност издадени од Идевелоп АД Скопје ќе се тргуваат на Редовниот пазар на Берзата, на подсегментот Слободен пазар, при што за издавачот важат законските обврски за известување за тој подсегмент.