Македонската игра Wounded наскоро излегува на најпознатата светска платформа за игри Steam
Wounded е хорор игра во прво лице, дело на македонското инди студио Workbench Entertainment од Скопје
Објавено во: Мои пари 26 Декември, 2018
Во оваа игра целта на играчот е да му помогне на главниот протагонист
Тим да ја пронајде својата ќерка Лиса, како и да преживее. Нивоата и
визуелните ефекти се внимателно дизајнирани, со многу детали, како и
специјалните звучни ефекти кои дополнително го поттикнуваат чувството на
неизвесност и страв, создавајќи уникатно играчко искуство.
Вредно е да се напомене дека оваа игра е комплетно изработена, прва од ваков вид и
со ваков квалитет за нашите простори, со буџет од 0 денари, но со многу
љубов и посветеност од целиот нашиот тим.
Тимот што стои позади студиото Workbench Entertainment е составен од
млади ентузијасти, чија што љубов кон гејмингот прерасна во страст за
правење игри, а за дизајнирањето на оваа игра беа потребни 4 години
секојдневна работа.
За демото на Wounded, еден од најпознатите светски YouTube-ри Markiplier
изјави “Ова е одлично! Јас навистина многу уживав во оваа игра. Ова беше
забавна авантура, немам играно толку добра инди хорор игра како оваа”.
Видеото има околу 5 милиони прегледи, надополнети со бројни позитивни
коментари во кои најчести се оние – „Одлично! Кога излегува играта?“
Публиката со нетрпение очекува целосна верзија која на 28-ми февруари ќе
излезе на Steam платформата.
Неодамна дел од играта беше премиерно прикажан пред публика во Младинскиот Културен Центар, каде можеа да ја играат домашните љубители на видео игри.