Македонски државјанин повреден во сообраќајка близу Саранда
Објавено во: Македонија 11 Август, 2020
Македонец е тешко повреден во сообраќајка во Албанија.
Несреќата се случила во близина на албанскиот приморски град Саранда, јави телевизија Ора њуз.
Од сè уште непознати причини Т.К.(44) кој управувал со автомобилот „шкода“ со скопски сообраќајни ознаки, изгубил контрола врз возилото, скршнал од коловозот и удрил во карпа.
Возилото се движело од Саранда кон познатото одморалиште Ксамил. Возачот кој се здобил со тешки повреди е пренесен во регионалната болница во Саранда, но според последните информации е надвор од животна опасност.
Ова е трета сообраќајна несреќа овој месец во којa учествуваат македонски државјани.