Македонските компании во поддршка на клучните сектори за време на пандемија

Живееме во време кога стресот има се поголем дел од нашето секојдневие. Грижата за здравјето на нашите најблиски и одговорноста која мораше да ја преземе секој од нас е факт кој тежи на илјадници граѓани во нашата држава.

Губењето на работните места и се помалиот фамилијарен буџет уште повеќе го отежнува животот во ова непредвидливо време кое само по себе создаде и многу нови трошоци кои се сега клучни во секојдневниот живот.

Таков пример е и дигитализација на образовниот процес кој ги натера семејствата да обезбедат лаптопи, компјутери и таблети како и стабилна интернет врска за нивните деца, за да бидат дел од наставата и да не пропуштат од едукативниот процес.

Многу ученици од нашата држава имаа потешкотии при адаптација на овој процес, само поради тоа што припаѓаат на семејства со помали примања, нешто што не смее да се дозволи, бидејќи сите деца мораат да имаат еднакви можности за свое надоградување.

Токму затоа, би сакале да ја издвоиме донаторската акција на компанијата „Макпетрол“ АД Скопје преку која 1.000 ученици од повеќе општински училишта низ државата добија таблети.

Горди сме на компаниите во нашата држава кои докажаа дека се општествено одговори и донираа во повеќе сектори во нашата држава, а најчесто во здравството кое е најпогодено, но во исто време и столб преку кој треба да се избориме со оваа пандемија.

Останете безбедни и помогнете онаму каде што е потребно во границите на вашите можност.