МАКРОН ЌЕ ТУЖИ: Бизнисмен го претстави како Хитлер на билборди поради забраните за невакцинираните
Објавено во: Свет 31 Јули, 2021
Мишел-Анж Флори, сопственик на француска компанија за улично рекламирање, одлучи да искористи некои од своите билборди за, како што рече, вежба во политичка сатира: објавувајќи слика на која се гледа како претседателот Емануел Макрон е облечен како Адолф Хитлер.
Приватните адвокати на Макрон и неговата партија поднесоа тужба, наведувајќи дека содржинта на овие билборди е јавна навреда, а Флори рече дека полицијата го контактирала додека постапувала по тужбата, пренесе Ројтерс.
Флори ги постави билбордите на Макрон како одговор на законот усвоен од парламентот овој месец, со кој им се забранува на луѓето да пристапуваат до некои јавни места, освен ако не се целосно вакцинирани против Ковид-19 или не покажат нов негативен тест.
Тој рече дека кога станува збор за исмевање на претседателот кој е претставен како диктатор, тогаш тоа станува богохулство и е неприфатливо.
Жан Еноши, адвокатот на Макрон, рече дека тужбата е поднесена во лично својство поради навредливата природа на споредбата на претседателот на Републиката со Адолф Хитлер.
"Ова воопшто не го очекував. Дека претседателот ќе поднесе жалба против францускиот државјанин", рече Флори.
„Правам карикатури. На луѓето можеби им се допаѓа или не, но не е важно, карикатурата ќе остане карикатура", посочи тој.