Макрон следниот месец во Скопје и Тирана?

Францускиот претседател Емануел Макрон се очекува да ги посети Албанија и Северна Македонија следниот месец.

Во својот јавен коментар по блокирањето на започнувањето на преговорите со овие земји со ЕУ, тој рече дека ќе се сретне со премиерите Еди Рама и Зоран Заев за да разговараат за реформите и чекорите што државите од Западен Балкан мора да ги преземат.

Со својата посета, Макрон се чини дека има за цел да им докаже на Албанија и Македонија дека европската перспектива на овие земји е отворена и Франција ќе им помогне да ја постигнат оваа цел.

Дипломатски извор во Тирана за Exit.al изјави дека нема детали за оваа посета, бидејќи неодамна беше решено и сè уште останува во принцип само ветувањето.

Макрон последен пат го посети Балканот со гостувањето кај Србија на 16 јули, по одржувањето на Самитот во Париз за преговорите меѓу Србија и Косово. 

Се чини дека критичката реакција на многу европски земји на практичното француско вето на Албанија и особено на Северна Македонија, го натера Макрон конечно да ги посети двете земји.