МАЛ БРОЈ ДЕМОНСТРАНТИ: Дали Грците си „легнаа“ на брашното?
Објавено во: Балкан 25 Јануари, 2019
Мал број демонстранти денеска се собраа пред Парламентот во Атина, додека внатре се гласаше за Договорот од Преспа.
Противниците на Договорот од Преспа беа пред зградата на грчкиот Парламент, каде што пратениците го ратификуваа Договорот. „Македонија е Грција“, пишуваше на транспарентот кој го носеа.
Македонија во согласност со Договорот од Преспа, ќе го промени своето име во Република Северна Македонија, а Грција нема да го блокира влезот на земјата во НАТО и нејзиниот пристап во ЕУ.
Протести во Грција имаше и синоќа, тие пред крајот на синоќешената собраниска расправа станаа тензични. Демонстрантите се обидуваа да го пробијат полицискиот кордон и да влезат во Парламентот.
Откако беше потпишан Договорот Грците организираа повеќе протести. Тие сметаат дека Македонија е една и е грчка.Грчката опозиција е незадоволна, а власта во Грција тврди дека Северна Македонија ќе биде нивни пријател.