Мал број демонстранти побараа оставка од Владата на Заев
Објавено во: Македонија 16 Јуни, 2018
Помала група граѓани одржаа пред Собранието и синоќа протест против договорот со Грција за решението на спорот околу името.
Тоа беше трет ден како граѓани протестираат пред Собранието сметајќи дека договорот на грчкиот и македонскиот премиер за промената на името е штетен за Македонија.
Учесниците на протестот побараа оставка од владата на премиерот Зоран Заев и извикуваа слогани на поддршка за претседателот Ѓорге Иванов.
Пред зградата на Парламентот беше поставен и полициски кордон.
Демонстрантите најавија дека и во наредните денови ќе ги продолжат протестите.
Фото: Ап