Малиот Илче е сместен во детски групен дом: По 10 дена лекување се раздели среќен од лекарите и сестрите
Објавено во: Македонија 07 Август, 2020
Единаесетгодишниот Илче од Охрид, кој боледува од церебрална парализа и има и други здравствени психички нарушувања, и кој пред извесно време го напуштија родителите, по што во тешка состојба беше хоспитализиран на Клиниката за детски болести во Скопје, денеска здрав и расположен замина во мал групен дом.
Убавата вест ја соопшти и министерот за здравство, Венко Филипче, кој на Фејсбук објави и фотогравии од разделбата меѓу Илче и тимот на лекари кои се грижеа за него во изминатите десеттина денови.
-Илче од Охрид по десеттина дена лекување и нега на Клиниката за детски болести успеа со плеснување на рачињата и едно големо браво да се збогува со тимот лекари кои се грижеа за него. Илче здрав и расположен си заминува во мал групен дом. Неговата состојба кога беше хоспитализиран беше тешка, а денеска со надеж дека Илче ќе има шанса за подобар живот го испраќаме седнат расположен за игра и насмеан да влезе во новото семејство.Огромна почит за сите здравствествени работници, тимот психолози, дефектолози, лекарите и сестрите кои цело време се грижеа за него, пишува министрот во објавата.