05 Јуни, 2020
0.0260

Манчевски: Ако не ги ажурираат податоците, институциите нема да ја земат платата

Објавено во: Финансии 08 Октомври, 2019

Дамјан Манчевски, министерот за информатичко општество и администрација, синоќа рече дека институциите кои нема да ги ажурираат податоците во скапоплатениот систем за евиденција, за кој ревизорите утврдија дека не работи, нема да добијат плата.

- Не се евидентирани проблеми во финансиите, во ИТ-хоризонталните системи имаме проблем, големи пари се платени Едвај 80.000 службеници се евидентирани, а има 130.000.  Но со Агенција за вработување и УЈП се поврзавме. Ако не се ажурираат институциите, нема да може да ја земаат платата. Тоа не е страшна операција туку е  пренесување на податоците. Да си знаат дека се оди компјутерски и автоматски, ќе мора да си ги почитуваме законите, рече Манчевски синоќа во емисијата „24 Анализа“.

Инаку ревизорите утврдија дека државата потрошила милиони евра за да набави ситем за евиденција на вработените во јавната администрација и така да ја зголеми нивната ефикасност, но иако последните години дополнително за него се трошени многу пари, тој не функционирал. 

Станува збор за таканаречениот „Интергиран систем за управување со човечки ресурси (ИСУЧР) кој во 2014 година бил платен два милиони евра. Кај службениците треба да ја организира персонална евиденција, пресметката на плата, генерирањето извештаи и управувањето со учинок. 

Во системот не се внесувале податоци од дури 201 институција, кои немале внесено ниту еден вработен.



Можеби ќе ве интересира

Заменик-министерката за финансии одбива да го потпише заемот од 90 милиони евра од Светска банка

Заменик-министерката за финансии одбива да го потпише заемот од 90 милиони евра од Светска банка

КАМАТИТЕ УПОРНО ОДАТ НАДОЛУ - добро за тие што сакаат кредит, но неповолно за штедачите

КАМАТИТЕ УПОРНО ОДАТ НАДОЛУ - добро за тие што сакаат кредит, но неповолно за штедачите

Шекеринска: Ни требаат пари од странство!

Шекеринска: Ни требаат пари од странство!