Манчевски: И опозицијата да се вклучи во оптимизацијата на работните места
Објавено во: Економија 05 Октомври, 2019
Дамјан Манчевски, министерот за информатичко општество и администрација, ја повика и опозицијата да се вклучи во „оптимизацијата“ на работните места во јавниот сектор, со која државни службеници со понуда од три пакети ќе треба да прифатат ново вработување кај приватен работодавач.
- Мора да се договориме искрено да влеземе во ова, ќе иницирам решение заедничко со опозицијата. Тоа е потребно за да нема циклични решенија. Да имаме еден концепт за најбезбелно, човечно решение на проблемот, рече Манчевски како гостин во емисијата „360 Степени“.
Тој додаде дека за овој предлог од министерството имале некоку работни средби со коморите и синдикатите и дека некои предлози биле на ресорот, а други од другата страна во преговорите.- Понуда за отпремнина беше наш предог, да им се плати преквалификацијата беше на член на комората. Отвараме дебата, луѓето ќе бидат вклучени од самиот почеток. Имаше четири комори со свои претставници. Тоа е веќе еден месец пред да ја дадам изјавата за пакетите, наведе Манчевски.
За него станува збор за вишок работни места, а не вишок вработени и се работи за три пакети на доброволна основа кои би биле поволни и за вработените и за приватниот сектор кој би ги зел кај себе.
- Јавноста е и премногу сензитивна но треба да знае дека вработен со средно образование со 16.000 во јавните служби кога ќе се префрли во приватно ќе добива 22.000 во приватниот сектор, а државата ќе му ги плати придонесите на приватникот, рече Манчевски.
Тој најави и формирање на дигитална агенција со општа ИТ-служба од каде што ќе бидат испраќани администратори да интервенираат во институциите каде што имаат недостиг на таков свој кадар.