Мандатарот Ковачевски ќе ја предложи новата Влада по Божиќ
Објавено во: Македонија 29 Декември, 2021
Лидерот на СДСМ и мандатар Димитар Ковачевски планира Владата да ја предложи околу 10-11 јануари идната година, изјави тој во интервју за Канал 5.
„Технократскиот начин на управување обично се поврзува со цврста рака на владеење, меѓутоа за мене тоа значи еден мерит систем на раководење, каде што секој којшто извршува одредена јавна функција, треба одговорно и чесно да ги извршува своите задачи, согласно со зададените цели. Секој, низ личен пример, да работи во интерес на граѓаните и да одговара при непостапување“, рече Ковачевски.
Тој изјави дека од работата на новата Влада може да се очекува силна посветеност на економските реформи. Ковачевски не очекува голема промена во ресорите.