Марадона погребан само пред 200 луѓе, а еве само кои можеа да присуствуваат на приватната церемонија
Објавено во: Свет 27 Ноември, 2020
Фудбалската легенда Диего Марадона беше погребан за време на приватна церемонија на која присуствуваа само 200 луѓе на гробиштата Хардин Бела Виста во Буенос Аирес.
Малата церемонија изгледаше како целосна спротивност од онаа што се одржа претходно во четвртокот, кога десетици илјади ожалостени со часови минуваа покрај ковчегот со телото на Марадона.
Само членовите на семејството и блиските пријатели им беше дозволено да присуствуваат на верската церемонија на гробиштата, каде што Марадона беше погребан покрај неговите родители Далма и Диего.
Меѓу присутните беа неговите ќерки Далма и Џанина, потоа неговата поранешна сопруга Клаудија Вилафан, а подоцна дојде и Вероника Охеда, уште една од поранешните жени на Марадона, со нивниот син Диегито Фернандо. На погребот присуствуваше и Јана, која Марадона ја призна како ќерка пред само неколку години.
До вечното почивалиште Марадона беше придружуван од неговите поранешни соиграчи, со кои го освои Светското првенство во 1986 година, а имаше и други многу познати аргентински фудбалери, вклучувајќи го и Карлос Тевез.
Претходно, фановите, носејќи аргентински знамиња, се собраа покрај патот што го мина погребниот автомобил со ковчегот на Марадона, со силни безбедносни мерки. Многумина се обидоа да го допрат возилото секогаш кога требаше да запре поради сообраќајот.
Претходниот собир во аргентинската претседателска палата заврши нешто пред 18 часот, 12 часа откако започна, во согласност со желбите на семејството.
Телото на еден од најдобрите светски фудбалери потоа беше однесено на погребот, што разбесни многумина кои чекаа да оддадат почит но не дочекаа и тоа доведе до тензии со полицијата.