Маричиќ: Не потпишувам ништо во Преспа
Објавено во: Македонија 12 Јуни, 2018
Бојан Маричиќ, посебен советник за евроинтеграции во кабинетот на премиерот Зоран Заев, демантира дека тој би бил еден од потписниците на договорот за промена на името помеѓу Грција и Македонија што би требало да се официјализира во Преспа.
Медиуми блиски до опозицијата, исто како и поранешниот министер за надворешни работи и пратеник на ВМРО-ДПМНЕ, Антонио Милошоски, деновиве тврдат дека советникот кој во Владата доаѓа од невладиниот сектор треба да го потпише договорот заедно со премиерот Заев.
- Иако шпекулацииве се целосно несериозни и очигледно неточни, сепак би сакал целосно да демантирам дека јас би бил еден од советниците што би го потпишал договорот помеѓу Македонија и Грција за решавање на спорот за името во Преспа - одговори Маричиќ за „Фактор“.
Според агендата, договорот се очекува да биде потпишан во Преспа до крајот на неделава, откако денеска Заев треба да се вклучи во уште еден телефонски разговор со грчкиот колега Алексис Ципрас.
А.К.