Маск тврди: Твитер бележи рекорден раст на бројот на нови корисници

Добивај вести на Viber

Маск тврди: Твитер бележи рекорден раст на бројот на нови корисници

Тој рече дека е забележан рекорден пораст на минутите на корисничка активност, така што просекот за седумдневниот период кој започнува на 15 ноември изнесува речиси 8 милијарди активни минути користење на Твитер.

Само еден месец по преземањето на Twitter, мултимилијардерот Илон Маск тврди дека компанијата забележува рекорден раст на нови корисници. Тој додаде дека порастот на дневните регистрации е за 66 отсто поголем во однос на истиот седумдневен период во 2021 година.

Тој рече дека е забележан рекорден пораст на минутите на корисничка активност, така што просекот за седумдневниот период кој започнува на 15 ноември изнесува речиси 8 милијарди активни минути користење на Twitter. Тоа претставува зголемување од 30 отсто во однос на истиот период лани. Исто така, Маск ја искористи можноста да нагласи дека има намалување на говорот на омраза.

Сепак, многумина сметаат дека неговите податоци за говорот на омраза се „дискутабилни“ и дека тие во најдобар случај претставуваат „нецелосна“ слика за ситуацијата. Една од причините е што податоците вклучуваат само твитови на англиски јазик. Нема финансиски податоци, а Маск претходно им кажа на вработените дека Твитер губи толку многу пари што банкрот не е невозможен. Неодамна објавените бројки покажуваат дека Twitter изгубил 50 од своите 100 најдобри огласувачи откако Маск ја презеде функцијата.

Сепак, тој рече дека Твитер е на пат да надмине една милијарда месечни активни корисници за 12 до 18 месеци, а тоа ќе бара драматично зголемување на новите корисници. Платформата оваа година има 450 милиони месечни активни корисници.