Математичкиот гениј Дамјан Давков стана најмладиот освојувач на сребро во Европа и четврти во светот
Објавено во: Македонија 23 Јули, 2021
Математичкиот гениј oд Штип, Дамјан Давков освои сребро на Светската математичка олимпијада ИМО 2021.
Тој стана најмладиот освојувач на сребро во Европа и четврти во светот. Оваа вест на социјалните мрежи ја објави неговата мајка Никица Давкова.
„По пауза од десет години Македонија има пак сребро. Има и две бронзи и две пофалници. Честитки до водачот на тимот проф. д-р Ристо Атанасов и до заменик водачот проф. д-р Мирко Петрушесвки. Голема благодарност до сите, кои на свој начин учествуваа во подготовките на Дамјан. Благодарност до СММ и Мирко Петрушевски кој организираше олимписки подготовки за македонските натпреварувачи“, вели во Фејсбук статусот Давкова.
Таа се заблагодарува на новиот ментор на Дамјан, и на некои наши поранешни натпреварувачи, кои денес живеат и работат во странство, а од кои имаат голема поддршка.