Маж е тешко повреден откако паднал од зграда во Аеродром
Објавено во: Македонија 23 Октомври, 2019
Скопјанец e тешко повреден откако паднал од зграда во населбата Аеродром.
Чувар вработен во угостителски објект на скопскиот булевар „Јане Сандански“ во раните утрински часови на 22. октомври пријавил во полиција дека мажот паднал од зградата и удрил во тендата.
Настанот се случил околу 6 часот и 40 минути, додека тој бил на работното место, а човекот паднал од четвртиот или петтиот кат на зградата.
Екипите за итни случаи констатирале дека повредениот човек е 46-годишниот П.Ј. од Скопје. Тој веднаш е пренесен во Ургентен центар каде му се константирани тешки повреди.
Се работи на расчистување на случајот.