МАЖ ОД СКОПЈЕ ДОБИ КРИВИЧНА: Се заканувал на Заев и на други функционери
Објавено во: Македонија 08 Април, 2020
Маж од Скопје на Фејсбук им се заканувал на претседателот на СДСМ, Зоран Заев и на министри.
Пријавениот на 29, 30 и 31 минатиот месец, објавил слики на високи претставници на Владата и лидер на политичка партија, заедно со коментари со заканувачки пораки.
Секторот за компјутерски криминал и дигитална форензика презема службени дејствија и идентификуван е корисникот на профилот – С.Р..
Констатирано е дека се работи за профил којшто му припаѓа на пријавениот.
МВР до скопското Основно јавно обвинителство поднесе кривична пријава против С.Р.(34) од Скопје, поради постоење основано сомнение дека сторил кривично дело „загрозување на сигурноста“ по член 144, став 4 од Кривичниот законик на РСМ.