Мажот кој го носел убиецот на Викторија од Русе до Хамбург раскажува што правеле пред злосторството

Добивај вести на Viber

Во ромската населба Русе, каде што живее Северин Красимиров, ноќта мирно минала по тензиите од минатата ноќ, пренесоа бугарските медиуми. Има полиција, а жандармеријата треба да пристигне во секој момент, објави бугарската Нова ТВ.

Како што објави Блиц синоќа група рокери упаднала во маалото и предизвикала паника од евентуална расправа поради убиството на Викторија Маринова. Мажи во црна облека, од кои некои иамале скриени лица застанале пред куќата на тетката на Северин, и ги барале неговите блиски.

Рано ова утро, трагите на гуми од мотоцикли сеуште се видливи на улицата.

Неговиот пријател, кој го носел до Хамбург по убиството, изјавил дека никогаш не се посомневал што направил Северин. Откако дознал многу се исплашил.

 Тие биле заедно на роденден пред убиството. Славел негов братучед. Пиеле до 5-6 наутро. „Тој беше пијан, но не многу, тоа беше нормално“, рекол тој. 

Според неговите зборови, ништо не покажувало дека Северин можеби сторил такво злосторство.

Во германскиот град каде беше уапсен Северин, бугарските државјани биле многу загрижени поради тензиите во Русе. Меѓу нив се зборувало дека дури имало запалени куќи во ромското маало. Луѓето им се јавувале на блиски и ги советувале да не ги пуштаат децата на училиште. Луѓето таму сметаат дека Северин го извршил убиството под дејство на алкохол и дрога а збор не можело да станува за земање на пари. 

Во меѓувреме пред новинарите директорот на ОДМВР-Русе Теодор Атанасов објаснил дека утрово ситуацијата во ромското маало на градот е мирна. 

„Мислам дека ситуацијата е под контрола и нема тензии. Нема притворени лица. Засилено присуство на полицијата има во две области на Русе. 

„Немаме индикации за претстојно нарушување на јавниот ред. Сите мерки што беше неопходно да се извршат со цел заштита на јавниот ред, се извршени“, категоричен бил Атанасов.

Фото/Извор: блиц.бг