Мебел на Јанева и Јовановски во депото на Агенцијата за управување со одземен имот
Објавено во: Македонија 23 Октомври, 2019
Мебел конфискуван од Катица Јанева и Бојан Јовановски, обвинети во случајот „Рекет“ се наоѓаат во депото на Агенцијата за управување со одземен имот.
Ова за Вечер прес го потврди Фатон Асани, директорот на овој управен орган задолжен за извршување на конфискацијата по наредба на надлежните органи кои му се надредени.
- На Катица Јанева и се одземени неколку кревети, а на Бојан Јовановски мебел, лична гардероба и чанти. Парични средства, вили и станови не им се одземени. Ние сме известени само за овие работи и истите сме ги одзеле, а за другите предмети постапката сè уште трае, вели Асани.
Тој потврди дека овие работи им се одземени од страна на Основното јавно обвинителство за гонење на организиран криминал, а Агенција за управување со одземен имот има обврска истите да ги смести, чува и ако е потребно да ги продаде за да се надомести евентуалната штета.