„Медена земја“ денеска на турската национална телевизија
Објавено во: Македонија 15 Август, 2020
Турската национална телевизија денеска за прв пат ќе го емитува документарниот филм „Медена земја“ кој во 2019 година беше номиниран за Оскар во категориите „Најдобар филм на странски јазик“ и „Најдобар документарен филм“,
Телевизијата најавува дека филмот бил подржан од ТРТ, а ќе се емитува пред турската публика во 21.30 часот. Од таму додаваат дека главните протагонисти Атиџе Муратова, Назифе Муратова и Хусеин Сем, се етнички Турци кои живеат во Македонија.
Атиџе е претставена како последната жена во Европа која се занимава со одгледување диви пчели. додека режисерите Љубомир Стефанов и Тамара Котевска како и снимателите Фејми Даут и Самир Лума се освојувачи на меѓународни награди за овој филм.