Медиумите во Македонија за една година во загуба од милијарда денари, голем пад на приходите за рекламирање
Објавено во: Економија 31 Јули, 2019
Сите телевизии и радија во Македонија за 2018 оствариле вкупна загуба од речиси една милијарда денари, а падот на приходите од реклами паѓа вртоглаво во 2018-та.
Ако приходите од рекламирањето биле околу 1,5 милијарди денари, расходите од друга страна биле околу два и пол милијарди, покажува извештајот за анализата сработена од Агенцијата за аудио и аудиовизуелни медиумски услуги.
МРТ, комерцијалните телевизии и радија оствариле загуба од 96,91 милиони денари. Трошоците кои заедно ги направиле сите радиодифузери во 2018 година изнесувале 2,53 милијарди денари, од кои 971 милиони денари биле трошоците на МРТ, 1,4 милијарди денари на комерцијалните телевизии и 147 милиони денари на комерцијалните радиостаници.
Приходите на МРТ лани се намалиле за 8,44 отсто, на комерцијалните телевизии за 4,52 проценти, а на комерцијалните радиостаници за 3,60 отсто. Приходите од реклами што заедно ги оствариле сите радиодифузери изнесувале 1.346,06 милиони денари и во споредба со 2017 година, бележат пад за 2,71 проценти. Од нив, 34,33 милиони денари биле приходите на МРТ, 1.203,95 милиони денари на комерцијалните телевизии и 107,78 милиони денари на комерцијалните радиостаници.