Меган и Хари се борат да го стопираат емитувањето на документарниот филм: Не сакаат светот да слушне што кажале
Објавено во: Свет 01 Октомври, 2022
Покајание, „пеглање“ работи, придобивки... Меган Маркл и принцот Хари сакаат да го променат документарецот што го снимија во соработка со Нетфликс и да го одложат неговото емитување.
Принцот Хари и Меган Маркл преземаат драматичен пресврт во нивните претстојни проекти по смртта на кралицата Елизабета Втора, изјавија повеќе извори за Page Six.
Војводата и војвотката од Сасекс повеќе од една година работат на документарен филм како дел од милионскиот договор со Нетфликс. Шефовите на продукциската куќа, кои сè уште не го објавија официјално проектот со нив, се надеваа дека ќе го емитуваат документарецот во декември по петтата сезона на „Круната“. Славниот пар сега сака да направи повеќе промени и потенцијално да го одложи објавувањето до 2023 година.
И мемоарите на принцот Хари се одложени за следната година, иако требаше да бидат објавени за два месеци.
Голем број луѓе запознаени со односите во британскиот двор рекоа дека таткото на Хари, кралот Чарлс III, ќе го одложи доделувањето на титулите принц и принцеза на внуците Арчи (3) и Лилибет (1) се до објавувњето на различните медиумски проекти на неговиот помлад син и снаа.
Меган и Хари беа вклучени во уредувањето на книгата и документарецот, а изворите сега велат дека парот сака да се повлече или да го намали тонот на она што го кажале за кралот Чарлс, кралицата Камила, принцот Вилијам и Кејт Мидлтон, пишува „Б92“.
„Има многу преговори. Слушам дека Хари и Меган сакаат документарецот да се одложи за следната година, тие сакаат да се откажат“, рекол изворот.
Висок претставник на Нетфликс рече: „Нетфликс сакаше шоуто да биде подготвено за емитување во декември. Има голем притисок врз извршниот директор Тед Сарандос, кој е во врска со Хари и Меган, да го заврши ова шоу“.
Врската меѓу Меган, Хари и судот е повеќе од комплицирана. Почитта кон кралицата секако одигра важна улога во нивната одлука, како и спречувањето на нови скандали веднаш откако семејната ситуација донекаде се подобри. Има и титули, а тие веројатно веќе не сакаат да бидат главни иницијатори за афери, дури ни во јавноста.