МЕЃУНАРОДЕН КОЊИЧКИ ТУРНИР “СКОПЈЕ 2018“ МЕМОРИЈАЛЕН КУП “Д-Р ЈОСИФ НАУМОВСКИ“
Објавено во: Мои пари 12 Октомври, 2018
Федерацијата на коњички спортови на Република
Македонија, со поддршка на Град Скопје, Агенција за млади и спорт и компанијата
ВИВАКС, како генерален спонзор на настанот, на 13–ти и 14-ти Октомври (сабота и
недела), организираат спортска манифестација, Меѓународен коњички турнир „Скопје
2018“- меморијален куп “Д-р Јосиф Наумовски“.
ВИВАКС, најголемиот производител на природни овошни сокови во Македонија, под брендот ВИВА, е генерален спонзор на меморијалниот куп „Д-р Јосиф Наумовски“ и на целокупната спортска манифестација. Како општествено одговорна компанија, ВИВАКС е долгогодишен поддржувач на спортските настани од овој тип и активно учествува во зголемувањето на популаризацијата и свеста за јавачкиот спорт во Македонија.
Терените на хиподромот во Маџари овие два дена ќе бидат домаќини на натпреварувачи од повеќе земји, а помеѓу натпреварувачите ќе настапи и македонскиот претставник Лука Заложник, кој е голема надеж за овој спорт во Македонија и е наш претставник на ЛОИ 2020 во Токио.
Меморијалниот куп “Д-р Јосиф Наумовски“ името го доби во знак, чест и признание на извонредно големиот вљубеник во коњичкиот спорт и еден од најголемите спортски работници и активисти, кој имено, целиот свој животен век го посвети на развојот, афирмацијата и популаризацијата на коњичкиот спорт во и вон границите на Македонија. Човек кој по професија беше еден од врвните кардиолози- интернисти во државата, со своите дела како спортист и вљубеник во овој спорт, до последниот ден активно придонесува за развитокот на коњичкиот спорт.
Почетокот на турнирот е во 11 часот, а во програмата се предвидени шест натпревари, по три во текот на двата дена. Јавачите ќе се натпреваруваат во прескокнување на пречки во височина од 1 до 1.30 метри. Натпреварите се организирани според меѓународните стандарди за коњички натпревари, во организација на Федерација на коњички спортови на Република Македонија.
Манифестацијата е од јавен карактер и влезот на истата е слободен.
Можеби ќе ве интересира
Кентаур Импекс инвестира во нова опрема со поддршка на ЕБОР и ЕУ
„Тренинг за сајбер безбедност за едукатори“ - почеток на низа активности за зголемување на безбедноста на интернет
ОВА СЕ НАЈЧЕСТИ ИЗМАМИ ПРИ КУПУВАЊЕ ПОЛОВНИ АВТОМОБИЛИ: Еве 5 начини како да ги избегнете, обрнете посебно внимание на нив
Саемот на книга 2024 со парична донација од секоја редовна влезница и по 100 книги за СОС Детско село и ДУЦОР Партенија Зографски
Забрзување кон иднината: Македонска премиера на новиот Porsche Taycan
„Фактот што сме помеѓу 10-те финалисти на НЛБ проектот „Рамка за помош“, става печат за тоа дека сме вистински општествено одговорна компанија“: Георги Михаилов основач на платформата Разговор.мк
Дали се откажавте од креирањето на сопствената држава?
Халкбанк го одбележа Светскиот ден на планетата Земја со зелени работилници во парк на Школка
