Меркел е „казнета“
Објавено во: Свет 15 Октомври, 2018
Баварските сојузници на канцеларката Ангела Меркел од Христијанската социјална унија (ХСЦ) ги претрпеа најлошите изборни резултати од 1950-тите, објави Ројтерс.
Баварските избори и исходот од нив покажува дека, владината коалиција не е стабилна.
Христијанската социјална унија (ХСЦ) освои 35,5 отсто од гласовите па партијата губи апсолутно мнозинство по втор пат од 1962 година до денес.
Зелените дојдоа на второ место со 19%. Факт е дека анти-имигрантската партија Алтернатива на Германија за прв пат влегува во баварскиот парламент со 11% поддршка.
Петти се рангираа партнерите на Ангела Меркел на национално ниво - Социјалдемократите со 10 отсто.
Од 1957 година, ХСЦ ја управува Баварија. Последните резултати од изборите покажуваат дека таа треба да бара партнери во управувањето.
Изборите во Баварија покажуваат дека довербата на гласачите во коалициската влада на Ангела Меркел е лоша, коментира Ер Те Ел.
Лидерот на ХСР, Маркус Седер, вели дека изборниот резултат е болен, но партијата мора да учи од него. ХСЦ изгуби 12% поддршка од претходните избори во Баварија.
„Ние треба да ги анализираме промените што се случуваат и во Баварија и во општеството“, рече Маркус Содер.
„Една од најважните задачи што ги имаме сега е да се осигуриме дека Баварија е стабилна, управувачка и останува толку силна како што е“, ветил лидерот на ХСЦ.