МЕРКИ ЗА ЗАШТИТА НА ЈАЗИКОТ: Повик до Французите помалку да користат англиски зборови

Добивај вести на Viber

Франција ќе го намалува влијанието на англискиот јазик.

Францускиот министер за култура Франк Ристер ги поттикна Французите да го намалат употребувањето на англиските зборови во нивниот говор. 

Ристер ја изнесе молбата синоќа на социјалната мрежа Твитер по повод 25-годишнината од донесувањето на законот за употреба на францускиот јазик на телевизија и радио.

Сепак, беа упатени критики кон ваквите патриотски гледишта, бидејќи многу француски бизнисмени, па дури и претседателот Емануел Макрон, честопати употребуваат англизми во нивните говори.

„Врвни француски компании редовно употребуваат англиски слогани наместо француски, како што се рекламите на Рено со наслов „Never too much“ (Никогаш премногу), и постерите на „Ер Франс“, „France is in the air“ (Франција е во воздух) “– истакна Кристоф Куртоа, извршен директо на француското кино. 

Франција е земја горда на своите јазик и култура, и постојано е во борба да го заштити од влијанието од англискиот јазик и американскиот начин на изразување кои ги нарекуваат „англосаксонизми“.

Законот Лој Тобон од 1994 година, наречен по тогашниот министер за култура Жак Тобон, ја направи употребата на францускиот јазик задолжителна на телевизија, што значи дека сите програми кои не се ја француски јазик се синхронизирани, а 40 отсто од времето музичките програми во текот на денот емитуваат француска музика.

Во 2006 година францускиот претседател Жак Ширак напушти самит на Европската Унија во знак на протест откако францускиот шеф за одделот на индустрија се обрати на водачите на Унијата на англиски јазик.