Мерсел Биљали: Барањето на ДУИ за премиер е потценување на интелигенцијата
Објавено во: Македонија 08 Јуни, 2020
Професорот Мерсел Биљали во своето гостување во „Утрински брифинг“ предизборното барање на ДУИ за премиер од албанска националност како кампања со контраефект кај гласачкото тело и потценување на интелигенцијата кај луѓето.
- Да беше пуштена оваа работа пред 6-7 години може ќе имаше некој ефект. Сега сум сигурен не само што ќе нема ефект, туку напротив контраефект. Луѓето се свесни дека ова е лага и дека нема ништо од тоа. Многу луѓе го гледаат и како потценување на интелегенцијата. Сите знаат дека дека премиерот го прави мнозинството. И за да имате стабилна влада тоа го прави најголемата партија. Можен е и поинаков договор, но тоа е прашање на договор, а не на однапред подготвена платформа. Сметам дека ова е подготвуање на терен за ДУИ да се оправда дека дефинитивно ќе биде опозиција, рече аналитичарот.
Изминатиот викенд ДУИ започна кампања со барање следниот премиер на Македонија да биде Албанец, на што претседателот на СДСМ, Зоран Заев, возврати дека „Интегративците нема да бидет дел од следната Влада доколку тоа е нивниот услов“.