Мерсел Биљали: Место ние да им ставиме вето, сега Бугарија нас не блокира
Објавено во: Македонија 20 Ноември, 2020
Професорот Мерсел Биљали во најавата за својата последна колумна вели дека Македонија самата е ркива што дозволила Бугарија да ја блокира во евроинтеграциите затоа што земјата пропуштила шанса да биде членка од ЕУ уште во 1999.
„Бугарите ич не ни се виновни. Доколку ние самите 30 години непрестајно ја крадеме својата куќа, вршиме општ грабеж над јавното добро, поддржуваме неписменство и газиме по професионалното. Кога ние грубо ја силуваме иднината на нашите деца, на кои насекаде по светот им е подобро отколку во својата домовина – што се виновни тука Бугарите кои во 1990 земаа плата 70 марки кога кај нас тaa беше 700 марки... Да имавме грам нормалност ние ќе им ставивме на Бугарите вето оти ќе бевме во ЕУ уште од 1999 година!!!“, пишува Биљали во колумната под наслов „Бугарите не ни се виновни“.
Бугарија во вторникот на Советот на министри (ГАК) не ја одобри преговарачката рамка со која ќе беше одреден датум за првата меѓувладина конференција со ЕУ.