Mицкоски до Заев: Македонија ќе ти врати за сите недела кои што и ги направи
Објавено во: Македонија 21 Февруари, 2019
Откако во текот на вчерашниот ден беа приведени тројца високи екс функциониери меѓу кои е еден актуелен пратеник во Собранието , опозицискиот лидер свика прес коференција.
Христијан Мицкоски гневен на Заев поради приведените сопартијци му порача дека еден ден ќе плати за неговите недела.
„Знаеме дека овде не е проблемот ниту Спире, ниту Трајко, ниту Миле или пак Никола, овде е проблемот деспотот Заев и неговите уцени, тоталирани напади, жигосувања, потпалувања, неморални подметнувања, си игра со судбини на луѓе, уценувајќи. И овде нема губитници и поразени, сите губат. Со ваква Кацарска судство и Рускоска обвинителство нема ниту правда, ниту правдина. Заев нема бегање од поразот кој ти следи. И запамети Македонија ќе ти врати за сите недела кои што и ги направи“, кажа опозицискиот лидер.
Мицкоски исто така додаде дека колку и „да притиска и да се заканува Заев спас му нема“.
-Сакам д ати порачам деспоту Заев за ова што го правиш еден ден, а ти ветувам многу брзо ќе дојде тој ден, ќе одговараш и ти и твоите соработници, врхушката и министрите, а и обвинителите и судиите кои ти слугуваат. Се ќе се преиспита и ќе стане јасно. Многу високо си летнат ама драматично ќе паднеш, сети се на Милошевиќ и на Чаушеску. И тие мислеа дека се недопирливи, ама знаеш како завршија“, посочи Мицкоски.