Мицкоски избега од одговор на Заев: Ќе се повлече ли ако Силјановска ги изгуби изборите?
Објавено во: Македонија 27 Март, 2019
Опозицискиот лидер го заобиколи прашањето на премиерот Заев дали ќе понесе одговорност доколку кандидатката за претседател од редовите на ВМРО ДПМНЕ доживее пораз на претстојните избори.
Христијан Мицкоски не даде конкретен одговор туку рече дека партијата го избрала и тој има мандат.
Од друга страна пак премиерот и лидер на владеачка партија Зоран Заев прифати предвремени парламентарни избори доколку кандидатот на СДСМ Стево Пендаровски ги избгуби изборите.
Заев и Мицкоски ги вкрстија ракавиците, но нокаутот ќе го чекаат на избори
Вториот директен ТВ дуел меѓу лидерите на власта и опозицијата донесе многу пожестока реторика, поконкретни одговори, но и меѓусебни обвинувања за водење штетни политики врз државата. Заев и Мицкоски имаа над два часа простор да дадат одговори на жешки прашања кои го окупираат јавното мислење како што е реформата на правосудството, прифаќање на Договорот од Преспа, непотизмот, водењето на изборната кампања и создавање услови за фер претседателски избори, евроатлантската иднина, а сосема малку посветија внимание на економските прашања.
Грешки, лапсуси и „мрчење“
Соочувањето меѓу Заев и Мицкоски помина во добар дел со воздржување од етикетирање и навреди, освен кога двајцата ги споменаа татковците еден на друг. Мицкоски откри дека таткото на Заев бил обвинет за кражба на струја, додека пак премиерот посочи дека професорот и лидер на ВМРО-ДПМНЕ е пример за директен непотизам како асистент на факултет на неговиот татко. И двајцата беа принудени да дадат аргументи зошто ваквите обвинувања не се вистинити. Исто така Заев користеше послободен говор дека опозицискиот лидер „мрчел“ за висината на казните за осудените за Крвавиот четврток. Мицкоски, пак прашан за лапсусот со споредбата на судењето на 27 април со Нирнбершките процеси не се повлече од изјавата, туку дополнително ја зацементираше погрешната позиција дека мислел на изречените драконски казни иако во овие судење се осудени Нацистите за најтешките воени злосторства во историјата на човештвото.
Целата анализа читајте ја тука.