Мицкоски ја напушти лидерската средба - што бара од Заев?
Објавено во: Македонија 18 Јули, 2018
Претседателот на ВМРО-ДПМНЕ, Христијан Мицкоски ја напушти лидерската средба која попладнево се одржува во Клубот на пратеници. По час и половина излезе од средбата, со повик до премиерот Зоран Заев најдоцна до понеделник да свика нова средба во формат како досегашниот, со лидерите на најголемите македонски партии и најголемите партии на Албанците во Македонија. Не остапуваат од барањата за техничка влада, за Закон за финасирање на партиите и Закон за Влада.
Тој бара гаранции за фер избори, кога тие и да се одржат. На средбата покажал револт од однесувањето на пратениците од СДСМ за Изборниот законик, што вчера предложија да биде изменет со цел да се намали потребното мнозинство за формирање на ДИК.