Мицкоски ја прекинал теренската турнеја поради итноста во Собранието
Објавено во: Македонија 14 Март, 2018
Претседателот на ВМРО-ДПМНЕ Христијан Мицкоски ја прекинал теренската турнеја која пред некој ден ја започна за посета на граѓаните и се вратил во Скопје поради итноста во Собранието и најавите дека Законот за употреба на јазиците ќе се донесе без разгледување на амандманите поднесени од опозицијата.
Тој вчера во однос на неуставното носење на законот има за цел да атакува врз соживотот на граѓаните и донесе немир.
Мицкоски додаде дека во минатото ВМРО-ДПМНЕ апелираше за разум, почитување на законите, Деловникот на Собранието и Уставот на Република Македонија.
– Понудивме решение кое се темели на формирање на работни групи, кои ќе бидат составени од сите парламентарни политички партии, ќе биде вклучена експертската јавност, ќе бидат вклучени претставници од МАНУ и кабинетот на претседателот на државата. Темата е чувствителна. Во минатото видовме дека оваа тема предизвика голем број реакции и кај експертската јавност, но и во општата јавност во Република Македонија, рече претседателот на ВМРО-ДПМНЕ, Христијан Мицкоски.
Тој неколку пати повика на разум и избегнување на, како што рече, лоши сценарија и избегнување на опцијата за парламентарен терор на мнозинството врз малцинството.