Мицкоски ќе оди меѓу народот за да ги слушне проблемите
Објавено во: Македонија 13 Март, 2018
Христијан Мицкоски, претседателот на ВМРО-ДПМНЕ, ќе тргне во како што велат од опозициската партија турнеја низ Македонија за да биде меѓу народот и да ги сослуша нивните проблеми и барања од политиката.
- Граѓаните имаат се повеќе проблеми и се препуштени самите на себе. Таквата коцкарска политика ја втурна државата за најкорумпирана земја во Европа, на дното по економскиот раст, без изгледи тоа да се подобри, граѓаните имаат изневерени очекувања од владата, која е удобна во своите кабинети и не го слуша гласот на народот, велат од ВМРО-ДПМНЕ.
Мицкоски најпрво ќе го посети струмичкиот регион. Тој денес ќе има средба со младите во Струмица, па потоа ќе го посети Конче, Вељуса, а на крајот од денот ќе одржи и состанок со општинскиот комитет на партијата во Струмица.
Во наредните неколку денови тој ќе ги посети и околните населени места и градови.
Од партијата велат дека секојдневната комуникација со граѓаните ќе стане траен белег на партијата, а не изолиран принцип на работа. Освен Мицкоски на терен ќе бидат и останатите членови на Извршниот комитет и тоа се планира да биде вообичаен начин на работа.